خانه             آرشيو خبرها            آرشيو مقالات              ارتباط با ما

5/ اسفند /84

به‌گی‌وه‌ جه‌ ده‌گاو که‌ڕاواینه‌ حاکم بۆ به‌ نامێ حه‌مه‌ عه‌لی به‌گێ. حه‌مه‌ عه‌لێ به‌گ هه‌ر وه‌نیوه‌ش بۆ ( نۆکه‌ر ) به‌ نامێ قاسمی. ڕۆیوه‌ حه‌مه‌ عه‌لی به‌گ  دیواخانه‌نه‌ ، لاو ده‌لاقه‌ینه‌ نیشته‌بێره‌ ، لێ فیکرانه‌ بێ ناوامه‌ ، کۆجیه‌نه‌ قاسمش چه‌م په‌نه‌که‌وت و ده‌لاقه‌ش که‌ردووه ‌و چڕیش وه‌نه‌و قاسمی و واتش : قاسم دابۆ لوه‌ په‌ی ده‌لی ، قاسمیچ نه‌لا په‌ی لاو حه‌مه‌عه‌لی به‌گی بزانوو په‌یخامش چێشا په‌ی ده‌لی و په‌ی چێشی کیانووش . عازا لوا و لوا تا یاوا ده‌گاو ده‌لی . لوا په‌ی یانه‌و خانۆ ده‌لی که‌ نامێش مه‌جیدخان بێ و دماو سڵام و عه‌له‌یکی نیشته‌ره‌ و واتش : قوربان حه‌مه‌عه‌لی به‌گی کیاسته‌نا په‌ی ئیگه‌ی . مه‌جید خانیچ واتش : په‌ی چێشیش کیاسته‌نی ؟ قاسم ماچۆ : وه‌ڵڵا مه‌زانوو ! مه‌جید خانیچ سه‌ره‌یش شه‌کناوه‌ و دلوو وێشه‌نه‌ واتش : ئه‌‌هاها چارت که‌روونه‌ ، چۆنکه‌ی ئننه‌ هه‌ره‌نێ .

مه‌جیدخان روه‌ش که‌رده‌ ئه‌و قاسمی و واتش : ئه‌ها من زانوو په‌ی چێشیش کیاسته‌نی - بان تلێرێ زل جه‌بانه‌ که‌شاوه‌ بۆ ، ته‌وه‌نێن - ماچۆ : په‌ی ئا بان تلێره‌یش کیاسته‌نی .

هۆرمیزوو بان تلێری مدو کۆلیشه‌ره‌ و کیانۆشۆ په‌ی که‌ڕاوای .

                                        نظر شما درباره اين مطلب                                                 بازگشت