خانه             آرشيو خبرها            آرشيو مقالات              ارتباط با ما

21/فروردين /85

ماچۆ زه‌مانه‌و زووی جه‌ ده‌گاو نیاواێنه‌ ، دوێ برایێ با نامێشا ئالیخان و ره‌مه‌زان بۆ ،ئی دوه‌  برا کارشا چه‌ته‌گه‌رێ بۆ ، رایێشا مڵا دزی  په‌ی ده‌گایێوه‌  جه‌ ده‌شته‌و شاره‌زوورینه‌، نیمه‌شه‌و مڵاو که‌ڕا یانێوه‌ره‌ ، ساحێب یانه‌ خه‌وه‌رش بۆوه‌ و یۆشا به‌رمشۆو ئه‌ویشاگێروو . خه‌وه‌ر مدَۆ به‌ خانۆ ده‌گاکێ . خان ماچۆ باردێ  وه‌ر هه‌یوانه‌نه‌ به‌سدَیشو ، تا ساعبێ به‌رمێ ئێعدامش که‌رمێ . ساعبێ به‌ردشا په‌ی به‌ره‌و  مزگی و هه‌رچی مه‌ردم و ده‌گای  بینێ گرد جه‌مێ بێیوه‌ و ته‌ماشاو ئادزه‌ی که‌رێنی ، براو دزه‌که‌ی جبه‌روو ده‌گاکێ‌وه‌ فیکری که‌رێ وه‌ و واچی بزانوو چه‌نێ ئی برایمه‌ نه‌جات بدَه‌و  چێ عانه‌نه‌ گاوگه‌ل و ده‌گاکێ زیاوه‌و  لوا روو به‌ ئالیخان سه‌رو ته‌وه‌نیوه‌  نیشته‌بێره‌ ده‌ورو به‌رش شارایێ گه‌نمی (مڵۆی گه‌نمی ) بینی و وه‌رێسه‌یچش په‌نه‌ بێ ، ئامه‌ مڵۆ گه‌نمێش نیای کۆلی گاوه‌کاو یه‌رێ چوار گاوێش بار که‌ردێ . ئاوه‌خته‌ مڵۆ گه‌نمیش کۆلی گاوه‌ کاوه‌ گڕده‌ێ . گاوێ به‌سه‌زمانێ به‌ بۆڕه‌ بۆر  که‌وتی دلی ده‌شتی و مه‌ردموو ده‌گاکێچ  گرد لوای رووه‌و گاوه‌کاو ره‌مه‌زان وه‌رو مزگینه‌ پالو کۆله‌ کینه‌  چێرو ته‌نافه‌و دارینه‌ ته‌نیا مه‌نه‌و  ئالیخان ئامه‌ په‌ی لایش و پێوه‌ به‌ر‌ێ شی و پاسه‌ نه‌جاتشا بێ.

                                        نظر شما درباره اين مطلب                                                 بازگشت