|
خانه
10/ارديبهشت /87
زهمانۆ زوی پیایه بیهن جه دهگاو بێسارانینه به نامێ «حهمه کهریمۆ گۆڵهی» که خصڵهت هایه عهلاحێڏێش بیێنێ. ئی پیا بابایه بیهن تووڕه بهڵام پاڵۆ ئانهیره که تووڕه بیهن شۆخی هایهچش کهردێنێ که به قهوڵۆ کۆردی وێما سهره ههڕینش ئۆردهن خوهی وه ئی دوه خصڵهته بیێنێ هۆ ئانهیه که مهردم وهشش بهی چهنهش. من چیگهنه یۆ جه داستانهکاو ئی پیایه مهگێڵنووه پهیتا: ماچا ڕۆیه کاکه حهمه کهریم دهمهو وێرهگهوه پێسهو باقی مهردمی وهرۆ دهگهینه چهنی بڕێ جه رهفێقهکاش جهموه بیهنوو قسه وێمانێشا کهردێنێ. لێ ئی رهفێقانه یهک توو پڕ یۆشا هۆرمێزۆوهو ماچۆ: کاکه حهمه کهریم من سوالیهم ههنه جه جهنابیو حهز مهکهروو جواوهکهش جه زوانۆ وێتوه بژنهو !!! کاکه حهمه کهریمیچ تۆزیه مهندرۆوهو ماچۆ فهرماوه سوالهکێو پهرسه ئهگهر زانام ههنا خزمهتتهنه ! کابرایچ ماچۆ: ئهرێ کاکه حهمه کهریم من دهمۆ مهردمیوه ژنهوتهنم که ماچا ههر وهختیه جهنابۆ جه جواو کهسیهنه واتۆ «ئهرێ دهی ئهرێ» ئێتر ئانه خهریکهنی بابهیش بهرماری ! ئایا ئینه ڕاسهن ؟! کاکه حهمه کهریمیچ وێش لێڵ نمهکهرۆنێو سهرۆ وێش جه جواو کابراینه ماچۆ «ئهرێ دهی ئهرێ». کابرایچ ههرپاسه یا یهک هۆ هۆرزابێوه یهک گل مهنیشۆرهو ئێتر هیچ نماچۆ.
نظر شما درباره اين مطلب
| |
|
|
