|
خانه
12/خرداد ماه /87
جمعهی ویهرده بهرنامهکی فیستیڤاڵ ویانهو ههورامانی دهسش بهکارهکاش کهرد،مایۆ دڵوهشیا چی دهورانه ئاڵۆزهنه ههورامییهکی بتاوا ویر جهکارێوی پێسه ئانهیه کهراوه چونکه خجڵا وهرده ورده هۆرامان جهویر کریۆنه. چی نویستهیهنه من گهرهکم نیا جهگهورهیی ههرمانهکی و مانیای ئا ئازیزا کهم کهروۆ،ئانه کهگهرهکما باسش کهرونه ئاگادار نهکهردهی کۆمهڵێ خهڵکی هۆرامی زوانیا جهلاو دهسهو سهروکاری کهرو ئا فیستیڤاڵیۆ ،ئهگهرچی من ئانهیه زانونه کا ئا وهشهویسی مانیێو ڕهنگا نهپهردهچیابۆشا گردیما ئاگادار کهراوه بهڵام ئهگهر چن جارێو تهلهفونشا پهی کهرینهو جوابت نهداوه ئهی ئینهشا چیش؟ چن روێ وهڵی دهسپهنهکهردهو بهرنامهکهی چهنی کاک ئهیوب ڕۆسهمی قسێم کهردێ ،فهرماواشا که وێشا ئاگادارم کهراوه،بهڵام به ڕوێ وهڵی بهرنامهکهینهک ههر ئاگادارش نهکهردانی ،گیره جوابو تهلهفونهکهیچش نهدانێ!!! وهختێوهنه مامۆستا ئهیۆب زانۆ که من بهدهمو وێم نهبۆ یۆنا چا رۆژنامهنوسا که ئارۆ فرهو کهناڵهکا بهبێ پهرسکهردهی پنهم ویشا چیوهکام سهرو ئینترنێتیۆ ورگیراو وهڵاشا کهراوه، جهنابشا مزانۆنه من ئهندامو فیدراسیۆنو بهینهملهل و رۆژنامهنوساو دنیای وئهندامو ئهنجومهنو قهڵهمی جیهانی که ئهژناسیان به( پهن)،جگه ژه ئهندامیهتیم جه چن رێکخراوێ تهری ئهنتهرناشیوناڵی، پارساکهو من ئانهنه بیهی من وئاگادارکهردهی من چ زهرهرێ به فیستیڤاڵهکهی یاونێ؟ ئینهو من گلهیێ نیهنی بهڵکو ویروستهیۆن پهی ئا وهشهویسا که ئانهیه ویرو ویشا نهبهراوه که خاڵکی تریچ ههن و کارشا کهردهن و کار کهرا. پهوچی چن جارێویچ زهنگم پهی ئا برا وهشهویسێما دا تا دماڕۆ نهواجۆنه من سهرقاڵ بینێ ئهی تۆ چی ویرت نهوستاوه!! تهنیا ڕوێ وهڵی یادهکهی به رادوینێوی نێودهوڵهتی و دوی تهلهفزیۆنا ژمارهکهشا داوا کهردا که وهختو یادهکهیهنه ڕاپۆرتشا دهو پهنه ،ههرپاسه ئا رۆژنامه کارش چهنه کهرونه داواشا کهرد که لاپهڕێوو رۆژنامهکهی ئاماده کهرونه سهرو چالاکییهکا ئا فیستیڤاڵیه،بهڵام داواو بهخشایم چا ئازیزا کهرد که ماتاوونه ئا کارشا پهی کهرونه چونکه من داوهت نهکریانا!!! یۆ چا تهلهفزیۆنا داواش کهرد قسیشا پهی کهرونه سهروو داوهت نهکریایم بهڵام ئاڕوه تهلهفونهکهم کوشناوه تا هیچ قسیوهشا پهی نهکهروونه. ئیسهیچه پۆچی به ههورامی ئی نامهم نویست تا هۆرامی زوانهکا زیاتهر کهس به مهسهلهکی نازانۆنه. هیوادارهنا ئا وهشهویسی داوهت نهکهردهی من مهسهلێ ویرشیهی بۆ نهک چێوی تهرش پهشتیۆ بۆنه و خهشمی گهدایانهو منشا نهگیرتهبۆنه دڵ چونکه من کهسێوهنا تهنیا مڵکو ویمهناو کهس پهیش نیا وێش به مڵکدارم بزانۆنه. دهس وهشی دووباره و سهرکۆتهی پهی ئازیزا
نامێق هۆرامی نویسهر و رۆژنامهنویس دوی ڕوی دمای یادهکهی 07701590780 namqhawramy@hotmail.com
نظر شما درباره اين مطلب
| ||
|
|
